Mrema awajibu wapinzani wanaomsema Rais Magufuli hazingatii haki za binadamu, katiba

June 14 2016 Mwenyekiti wa chama cha TLP na mbunge wa zamani wa jimbo la vunjo Agustino Mrema amekutana na vyombo vya habari nakuzungumza mambo mbalimbali ikiwa ni pamoja na kuwataka vyama vya upinzani kutomhukumu Rais Magufuli kwa sababu hana nia ya kuua upinzani kama wanavyodai.

Mbele ya waandishi wa habari Mrema amesema wapinzani ndio waliokubuhu katika kuvunja haki za binadamu, sheria katiba na demokrasia, kama walivyomfanyia na kusababisha kushindwa kwenye uchaguzi wa ubunge jimbo la Vunjo.

Hizi ni sentensi za mrema……>>>‘kwanza  ninachotaka kusema ni kwamba  nataka kuonyesha wapinzani si wazuri kama wanavyotaka Taifa liwaamini si wakweli na wananchi wawe macho sana  wasifikiri kila mpinzani ni mkweli wanayoyafanya ni haya lazima tuyafichue  lazima yasemwe waziwazi‘

>>>’kwahiyo mimi ninachotaka kusema ni kwamba wala sisemi haya kwasababu ya kutaka kufukua makaburi, nataka watu wajue kwamba  wapinzani vitendo wanavyovifanya sio vya haki wamtendee haki Rais, wampe nafasi  aongoze nchi hii wasimsingizie vitu vingi’

>>>Mimi ni mpinzani lakini nitaendelea kuwasema wapinzani ambao hawana deomokrasia, hawazingatii haki za binadamu wala hawazingatii katiba, sheria ni mafisadi  mimi nitawasema, uwe CCM mimi nitakusema, uwe upinzani nitakusema, wala siogopi wala sitaacha mimi sio CCM mimi ni mpinzani , mzalendo na mkweli‘