SAUTI, MKUU WA WILAYA CHUNYA BI,REHEMA MADUSA AZITAKA TAASISI ZILIZOPEWA DHAMANA YA KUSIMAMIA WACHIMBAJI KUWAJIBIKA

Mkuu wa wilaya ya chunya mkoani mbeya BI. REHEMA MADUSA amewataka wananchi kuchukua taardhari mapema  dhidi ya majanga yanayoweza kuepukika katika shughuli zao za uchimbaji wa madini.

Hayo yamejili baada ya watu watatu kupoteza maisha kwenye  dimbwi la maji katika jiji cha mtumbo kata ya chalangwa wilayani humo walipokuwa wakisafisha madini ambapo walitumbukia na kukosa hewa ya oxygen.

       

Hata hivyo madusa amewataja marehemu kuwa  wawili ni wa familia moja   ZAWARD SODA [28] WILISON SODA[24]  na JAML OMAL [20] ambao walikuwa wakijishughurisha na shughuli za uchimbaji wa madini katika kata hiyo.

        

Aidha mkuu huyo wa wilaya ameongeza kuwa hali inatokana na jamii kukosa elimu hivyo amewataka wakuu wa idara  kutoa elimu kwa jamii juu ya taadhari dhidi ya majanga mbali mbali yanayoweza  kuepukana.

Pia Mh, Madusa amewataka Osha na wasimamizi wengine ambao wamekuwa wakichukua kodi kwa wachimbaji  kuhakikisha wanasimamia mazingira na usalama wa wachimbaji ,ili kuweza kuepusha baadhi ya majanga yanayoweza kutokea nchini hasa migodini.