Mbunge asema Tanzania na Sudani Kusini zinafadhili upinzani kuandamana nchini Kenya

Mbunge wa Starehe, Maina Kamanda nchini Kenya Mei 30 alisema kuwa Tanzania na Sudan Kusini ni miongoni mwa nchi zinazofadhili upinzani kusababisha machafuko nchini Kenya.

Msemaji wa serikali Eric Kiraithe alitoa madai sawa na mbunge huyo lakini hakutaja majina yoyote. Alisema kuwa wanofadhili upinzani nchini Kenya wangtajwa mara baada uchunguzi ni kamili.

Hii inakuja wakati CORD na washirika wamekuwa wamekuwa wakifanya maandamano kila wiki kupambana wakitaka Tume ya Uchaguzi (IEBC) iundwe upya kabla ya uchaguzi.

“Raila amekuwa akizunguka nchi nzima. Tunajua kuwa anafadhiliwa na serikali hizi mbili kwa lengo la kuiyumbisha Kenya. Wewe endelea tu lakini sisi hatutakuruhusu” alikaririwa Maina Kamanda akizungumza.

Maina Kamanda aliyasema hayo siku hiyo hiyo ambapo msemaji wa Serikali Eric Kiraithe alitoa tuhuma hizo hizo. Katika tamko lake alisema kuwa nchi mbili majirani na Kenya zinafadhili upinzani kuiyumbisha Kenya.

“Uchunguzi uliofanyika umedhihirisha kuwa kuna watu ndani ya serikali wanashirikiana na nchi mbili za jirani na Kenya kuleta hali ya machafuko, uvunjifu wa amani na sheria” alisema Eric Kiraithe

Hakumtaja mtu yeyote lakini alidai kuwa uchunguzi ukikamilika atawataja watu hao na nchi wanaoshirikiana nazo.

Kiongozi CORD Raila Odinga ni rafiki wa karibu wa Rais wa Tanzania Dkt John Pombe Magufuli. Raila Odinga mapema mwezi wa nne alimtembelea Rais Magufuli alipokuwa mapumzikoni nyumbani kwa Chato.

Uhusiano wa Raila na Rais wa Sudan Kusini Salva Kiir haufahamiki sana japo anaukaribu mkubwa na makamu wa kwanza wa Rais wa Sudan John Garang.

Garang alishika wadhifa huo tangu Julai 9, 2005 hadi Julai 30, 2005. Alifariki katika ajali ya Helcopter alipokuwa akitokea kwenye mkutano na Rais wa Uganda Yoweri Museveni.